Prej mesditës së sotme zona pyjore në Akërni në Vlorë është përfshirë nga flakët, ndërsa raportohet se janë djegur mbi 100 hektarë pyje.<br /> <br />Tre mjete zjarrfikëse dhe 30 punonjës prej disa orësh vazhdojnë luftën me flakët për të shuar zjarrin, por terreni është shumë i vështirë për të ndërhyrë.<br /> <br />Ministria e Mbrojtjes i është përgjigjur thirrjes së zjarrfikësve duke dërguar trupa dhe një helikopter për të shuar flakët. <br /> <br />Trupat e Forcave të Armatosura prej orën 19:00 kanë nisur aksionin së bashkë me zjarrfikësit nga tokë, ndërsa helikopteri nga ajri për të shuar flakët që kanë pushtuar zonën e hidrovorit në Vlorë.<br /> <br />Në disa momente ka qenë në rrezik edhe jeta e zjarrfikësve, pasi zjarri ka marrë përmasa shumë të mëdha, ndërsa është favorizuar edhe nga era që frynte duke e përhapur akoma më shumë.<br /> <br />Nga zjarri nuk raportohet për dëme në njerëz, policia u bën thirrje qytetarëve që banojnë pranë kësaj zone, të marrin masa për t'u larguar nga ato banesa të cilat rrezikohen nga flakët.<br /><br />Ndërsa janë larguar edhe barinjtë e zonës që kanë ngritur stanet në zonën e fshatit Akërni, pasi rreziku është potencial nga zjarri që ka përfshirë kullotën dhe pyllin. <br /><br />Zjarri në këtë zonë ndodhet në katër pika të ndryshme dhe mendohet se është vënë qëllimisht nga persona të pa përgjegjshëm.
