Koalicioni i majtë do të garojë me një kandidat të përbashkët në zgjedhjet për bashkinë e Dibrës që do të zhvillohen në datën 11 shtator.<br /> <br />Partia Socialiste dhe Lëvizja Socialiste për Integrim kanë vendosur kandidat për bashkinë Muharrem Ramën përballë Sherefedin Shehut nga PD.<br /> <br />Muharrem Rama është një emër i njohur në Dibër, pasi është kryetari i Partisë Socialiste për qytetin, ndërsa është drejtor i spitalit dhe mjek kirurg me profesion.<br /> <br />Kandidati i aleancës së majtë është prezantuar pasditen e sotme në strukturat e partisë në Dibër nga ministri Damian Gjiknuri.<br /><br />Pas zyrtarizimit të Muharrem Ramës ka reaguar edhe Dionis Imeraj, që ishte emri më i lakuar ditët e fundit që mund të garonte për bashkinë nga koalicioni i majtë.<br /> <br />Imeraj shprehet se do të respektojë vendimin për kandidimin e mjekut Rama përballë Shehut të Partisë Demokratike.<br /> <br />?Përkrahja juaj ka qenë për mua një suport i madh moral ,gjë që më nxit mua, që në të ardhmen të marr mbi vete përgjegjësi më të mëdha në shërbim të popullit dhe vendit tim.<br /> <br />Vlerësoj besimin që m'u dha si kandidat i mundshëm për Kryetar Bashkie në rrethin e Dibrës.<br /> <br />Më mbetet mua si me i ri në moshë të respektoj eksperiencën dhe përvojën që ka kandidati tjetër, doktor Muharrem Rama.<br /> <br />I uroj sukses të padiskutueshëm dhe do të ketë mbështetjen e shumicës?deklaron drejtori i Tatimeve për qarkun e Dibrës. <br /><br />Dionis Imeraj ishte favorit, por burime nga PS pohojnë se pas zyrtarizimit nga PD të Sherefedin Shehut planet ndryshuan duke bërë që të zgjidhet mjeku Muharrem Rama.<br /> <br />Zgjedhjet në bashkinë e Dibrës zhvillohen për shkak të shkarkimit të Shukri Xhelili pas skandalit seksual pak muaj më parë, ku ish-kryebashkiaku i kërkonte favore seksuale një vajze 21-vjeçe për ta punësuar.
