U arratisën nga burgjet e greqisë kapen në territorin shqiptar me drogë e armë tre persona të konsideruar me rrezikshmëri të lartë shoqërore.<br /><br />Nën operacionin e koduar ?Fundi i Arratisë? policia e shtetit ka mundur të prangos Ludovik Kolën 42 vjeç nga Puka, Enkeledi Myrte 34 vjeç nga Devolli si dhe Shpëtim Hidri 44 vjeç nga Kurbini.<br /><br />Veç arrestimit të tyre policia ka mundur të sekuestrojë 3.5 kg lëndë narkotike në automjetin e tre shtetasve si dhe një armatim luftarak prej 3 automatikësh, 1 pistoletë si dhe mbi 240 fishekë të kalibrave të ndryshme.<br /><br />Prangosja e tre të kërkuarve nga drejtësia greke ka ardhur si pasojë e shkëmbimit të informacionit midis dy policive pasi prej më shumë se 2 muaj këta të kërkuar nëpërmjet kufirit të gjelbër kishin depërtuar në Shqipëri.<br /><br />Armët dhe droga e sekuestruara sipas policisë do të trafikoheshin drejt greqisë ndërsa ndaj tyre tashmë është ngritur akuza e trafikut të drogës dhe municioneve.<br /><br />Njëherazi pritet që ditën e martë gjykata të shqyrtojë ndaj këtyre tre personave dhe kërkesën e palës greke për ekstradimin e tyre.
