Ministri Brendshëm Saimir Tahiri ka qenë i pranishëm në panairin "Ditë e Hapur me Policinë e Shtetit?' i cili është çelur sot në qytetin e Vlorës.<br /><br />Në këtë panair qytetarët do të kenë mundësinë të njihen nga afër me të gjithë potencialin e Policisë së Shtetit, detyrat dhe misionin e saj.<br /><br />Ministri është shprehur se Policia e Shtetit është në shërbim të qytetarëve dhe kundër informalitetit e kriminalitetit.<br /> <br />Tahiri ka thënë se ky panair shërben si një dritare komunikimi me qytetarët e të gjitha moshave të cilët janë pro sigurisë dhe shtetit ligjor.<br /> <br />"Siç besoj e dini, Ministria e Brendshme dhe Policia e Shtetit kanë organizuar këtë mundësi apo dritare komunikimi për të bërë bashkë qytetarët dhe Policinë e Shtetit, duke besuar se mënyra më e mirë për t?i bërë qytetet tona më të sigurta është duke bashkëpunuar dhe duke ndërtuar platforma solide të bashkëpunimit ndërmjet policisë dhe qytetarëve.<br /><br />Shumë është thënë, veçanërisht gjatë muajve të verës. Shumë akuza dhe baltë është hedhur mbi Policinë e Shtetit. <br /><br />Në fakt kjo është Policia e Shtetit. Kjo që shihni këtu, kjo që shikojnë qytetarët e Vlorës. Shërbim për qytetarët. Angazhim për qytetarët.<br /><br />Përkushtim për t?i shërbyer më mirë qytetarëve në luftën kundër kriminalitetit, paligjshmërisë dhe informalitetit.<br /><br />99.99% e qytetarëve e qytetarëve shqiptarë janë ata që respektojnë ligjin. Janë ata që e duan ligjin, janë ata që duan qytete të sigurta.
