Ministri i Transporteve Edmond Haxhinaso inspektoi këtë të shtunë punimet e bypass-it të Fierit, ku po vijojnë punimet. Sipas Haxhinastos punimet të kishin përfunduar në prill të këtij viti, por ato janë penguar nga disa faktorë që shpesh herë kanë çuar në bllokimin dhe pezullimin e tyre.<br /><br />Ministri i Transporteve u ndal tek konçensioni i Rrugës së Kombit, duke theksuar se askush nuk i do këto të fundit, por jemi të detyruar për shkak se kjo rrugë duhet mirëmbajtur, por se ndërkohë ka edhe vepra të tjera që duhen ndërtuar.<br /> <br />Ministri Haxhinasto theksoi se tashmë qeveria shqiptare po punon për studimin e fizibilitetit të zonës, ku parashikohet të ndërtohet aeroporti i Jugut të vendit.<br /> <br />Sa i përket Rrugës së Arbrit ministri tha se po merret në shqyrtim oferta e një kompanie kineze. Në garë janë edhe kompani të tjera europiane, por nuk nuk mungojnë edhe ato shqiptare.<br /> <br />Punime në bypassin e Fierit duhet të kishin përfunduar në prill të këtij viti. Ky bypass është nyja më e rëndësishme lidhëse nga autostrada Lushnje- Fier për të vijuar me akset Levan ? Tepelenë dhe Levan- Vlorë. Ndërkaq Ministri Haxhinasto është ndaluar edhe në Durrës, ku ka inspektuar punimet e për ujësjellësin e Durrësit.<br /><br />Sipas Haxhinastos, ky ujësjellës do të zgjidhë përfundimisht problemin e furnizimit 24 orë me ujë të pijshëm për banorët e Durrësit.
