Dhjetëra protestues u mblodhën mesditën e kësaj të hëne përpara ambasadës së Kosovës në Tiranë, kundër demarkacionit Kosovë-Mali i Zi. <br /><br />Në këtë tubim morën pjesë profesorë të universiteteve të ndryshme si dhe përfaqësues të Shoqërisë Civile. <br /><br />Aktivistja dhe njëherazi profesore e Universitetit të Tiranës, Brisida Gjikondi, u shpreh se nga marrëveshja përfiton Mali i Zi, të cilit i falen kilometra të tëra tokë shqiptare. <br /><br />"Ne duhet të shkruajmë historinë tonë. Ne kemi për të marrë toka nga Ballkani dhe jo të japim. Nuk kemi troje për të humbur, pasi ne jemi shteti më i kafshuar i Ballkanit", u shpreh ajo. <br /><br />Për profesorin e Filozofisë në Universitetin e Tiranës, Elvis Hoxha, i cili njëherazi është edhe anëtar i Kryesisë së Lëvizjes Vetëvendosja, rezistenca kundër demarkacionit do të vijojë në Kuvend dhe sheshe. Hoxha tha për Report Tv se, marrëveshja e kufirit me Malin e Zi cenon ekzistencën e shqiptarëve.
