Inspektoriati Kombëtar për Mbrojtjen e Territorit ne Fier ka nisur aksionin për prishjen e një objekti tre-katësh i cili është ndërtuar në oborrin e një shkolle 9-vjeçare.<br /><br />Prishja e kësaj ndërtese është kundërshtuar nga pronarët e saj, të cilët deklarojnë se kanë certifikatë pronësie.<br /><br />Ata kanë refuzuar shumën e dëmshpërblimit pasi kanë vendosur që ta çojnë çështjen në gjykatë, duke e ndjekur nëpërmjet rrugës ligjore.<br /><br />Godina tre-katëshe është ndërtuar para shumë vitesh, duke zënë hapësirën publike.<br /><br />Prishja e këtij objekti është ndjekur nga qindra banorë fierakë.<br /><br />Fadroma do të vazhdojë edhe prishjen e disa objekteve të tjera po në rrugën ?Dervish Hekali?, e cila është një nyje e rëndësishme për lëvizjen e mjeteve, gjë që do të ndikojë në lehtësimin e trafikut.
