Krimi makabër i një nate më parë në plazhin e Golemit, ku 73-vjeçari Veli Dervishi vrau me sëpatë gruan e tij, ka qenë i planifikuar më parë.<br /><br />Para hetuesve Dervishi ka pranuar krimin monstruoz, ndërsa si motiv ai ka deklaruar se ka qenë xhelozia ndërmjet tyre dhe dyshimet se ai tradhtohej nga gruaja.<br /><br />"Ajo më ka tradhtuar gjithë jetën. E kishte mbushur kupën. Nuk e duroja dot, më kërkonte gjithmonë llogari, ndaj më erdhi në maje të hundës. Më acaroi shumë nervat, për këtë arsye e vrava", ka deklaruar i moshuari në polici.<br /> <br />Pesë ditë para krimit makabër çifti i të moshuarve ishte nisur me pushime në Golem pasi ata jetonin në Tiranë. Por debatet e shumta në banesën e marrë me qira dhe gjendja e dehur e Dervishit sollën për pasojë vrasjen nga ky i fundit të gruas së tij Shazivare Dervishi.<br /> <br />Ndërkaq Viktor Ukshini, i njohur i autorit dhe viktimës është një prej dëshmitarëve të kësaj ngjarje, i cili ka rrëfyer edhe detaje nga krimi i djeshëm.<br /><br />Ukshini thotë se ka 10 vjet me çiftin e moshuar dhe se ka mbetur i befasuar kur ka marre vesh se 73-vjeçari kishte vrarë bashkëshorten e tij.<br /><br />Më tej ai pohon se nuk e kishte kuptuar se Dervishajt kishin mosmarrëveshje dhe sherre me njëri tjetrin ndërkohë që hedh poshtë deklaratat se vrasja ka ndodhur për shkaqe xhelozie.
