تعلّم ما تعيش إلا على القمه وخلك فوق <br />أنا وقلبي إذا نعشق شموخ ونعشق القمه <br />خذيت من الزمن حكمه وخدت من الحياه حقوق <br />لأن اللي طرف شارع يجي له حد ويلمّه <br />وأنا بحبك إذا بنظر أخايل للسما وبروق <br />وأشوفك فوق يا كل الغلا يا تاجه وعمه <br />وخل اللي زعل يزعل مادام اني عليك أروق <br />وقيل الدّاب لو طال الزمان يموت من سمٌه <br />فديتك والغلا بصدري تمايل لك حنين وشوق <br />وروض العشق يتنفس غلاك وكنك النسمه <br />شربتك عشق لين ان امتلن في داخلي لعروق <br />وتشاركنا فرح دنيا وكل ما همني همّه <br />غلاك اللي سكن قلبي سكن عقلي سكن بالموق <br />يا كل الحب لو ضاق الزمان برمشي أظمّه <br />تهجّيت المحبه بك وتعلمت الغلا يا ذوق <br />كبير إنت ومن يوصف كثير الشوق من كلمه <br />وأنا قلبي مثل عيني يزيد الشوق لك ويتوق <br />وقلبي طير في حبِّك فرد جنحانه ولمّه <br />وإذا مرّيت في سود اللِّيالي جيتني بشروق <br />تصدِّق ما بقى بقلبي بعد ملفاك من عتمه <br />وإذا أبطيت أحس صدري مثل دنياي أنا مخنوق <br />تصدِّق كل هالدِّنيا بدونك يالغلا كتمه <br />وإذا تلفي مطر شوفك بقلبي أوْرقن لعذوق <br />وقِسم لي ربّي بحبِّك وحمدت الله على القسمه <br /> <br /> <br />.... <br /> <br />تعلّم ما تعيش إلا على القمه وخلك فوق <br /> <br />وخل اللي زعل يزعل مادام اني عليك أروق
