Policia e Tiranës ka vënë në pranga 3 autorët e grabitjes së një banke të nivelit të dytë në ish-bllok më 8 gusht 2016.<br /><br />23 ditë nga grabitja e bankës BKT, policia nga kuadër të një pune intensive hetimore ka mundur të arrestojë 3 autorët e grabitjes, njëri prej të cilëve është djali i Nehat Kullës, një personazh shumë i njohur i botës së krimit. Nehat Kulla është cilësuar si i forti i Tiranës në vitet ?90-të dhe është i dënuar për vrasje.<br /><br />Report TV ka mundur të sigurojë edhe videon e momentit të arrestimit të tre grabitësve.<br /><br />Në prangat e policisë së Tiranës kanë rënë <br /><br />1- Roland Liti (Zekaj) 37 vjeç lindur dhe banues ne Tirane, me arsim 8 vjeçar,,i denuar me pare per vjedhje<br /><br />2-Alan Babamato 23 vjeç lindur ne Fier dhe banues ne Tirane,me arsim te larte, i padënuar<br /><br />3-Robert Kulla, 35 vjeç lindur dhe banues ne Tirane, me arsim 8 vjecar,i denuar me pare per rrembim mbajtje peng personi,armembajtje pa leje;<br /><br />Policia ka mundur të sekuestrojë edhe një pjesë të shumës e parave të grabitura. Sipas Drejtorit të Policisë së Tiranës Ervin Hodaj, janë sekuestruar 2 automjete, një shumë prej 16.730 dollarë amerikanë, një shumë prej 10.480 euro, si dhe 2,625.000 lekë të vjetra shqiptare.<br /><br />Gjithashtu policia ka sekuestruar edhe një sasi fishekësh armë gjahu dhe sendë që shërbejnë për të hapur brava dyersh.<br /><br />Grabitja e BKT ndodhi më 8 gusht 2016 dhe në total u vodhen 200 milionë lekë. 3 kanë mundur të çajnë murin e bankës, duke hyrë nga një lokal që ndodhet në katin e nëndheshëm në të njëjtin objekt ku ndodhen zyrat e bankës. Dyshimet e policisë ishin se grabitësit mund të kenë pasur bashkëpunëtorë nga punonjësit e bankës.
