Grupi hetimor që po merret me zbardhjen e grabitjes së bankës në ish-bllok ka zbuluar detaje të tjera se si autorët arritën të realizonin këtë grabitje pa u pikasur. Sipas burimeve, nga provat e gjetura në vendin e ngjarjes, por edhe nga rindërtimi i skenës së grabitjes, u saktësua se grabitësit kanë arritur të hapin murin duke përdorur kriko makine.<br />Sipas hetuesve kjo pajisje u ka shërbyer grabitësve për të mos përdorur forcë dhe goditje në hapjen e murit dhe në këtë mënyrë ata kanë punuar pa bërë zhurmë. <br />Sipas burimeve, grabitësit kanë krijuar një bazë mbështetëse me pllakat metalike, dhe duke përdorur krikon, ata kanë shtyrë tullat e murit deri sa kanë arritur të heqin tullën e parë. Më pas duke përdorur levën, grabitësit kanë arritur që të krijojnë të çarën deri në madhësinë për të depërduar brenda dhomës kasafortë të bankës.<br />Pikerisht ne momentin që grabitësit kanë bërë shtytjen e parë me kriko për të hapur murin ka rënë edhe alarmi, i cili u neglizhua nga ana e punonjësve të sigurisë së bankës. <br />E gjithë skena e hapjes së murit dhe grabitjes u ndërtua prej hetuesve pas gjetjes së provave në vendin e ngjarjes. Mësohet se hetuesit gjetën brenda bodrumit leva hekuri, kriko automjeti, pllaka metalike, tuba metalike, bidon uji 1.5 l si dhe një fishek brave i thyer.<br />Edhe pse grabitësit ishin treguar të kujdesshëm për të mos lënë gjurmë gishtash në mjetet e punës, ajo që i ka tradhëtuar ka qenë shishja e ujit e gjetur pranë murit të bankës. Mesa duket, Roland Liti nuk është treguar i kujdesshëm në momentin që e ka blerë apo që e ka prekur për herë të parë shishen e ujit, pasi në të janë gjetur vetëm dy shenja, ajo e gishtit të madh të dorës së majtë dhe e gishtit të madh të dorës së djathtë të Rolan Litit.<br /><br />Më pas vënia nën vëzhgim e Litit çoi policinë edhe tek dy autorët e tjerë. Fieraku me arsim të lartë, Alan Babameto shfaqej në rrjetet sociale si ?Tony Montana?, duke pozuar me vetura luksoze dhe armë. I riu preferonte jetën prej të forti si tipi i Tony Montana dhe luksin. Ndërsa bashkë me të u arrestua edhe Robert Kulla, djali i Nehat Kullës.
