Kryqi, rruzarja dhe peshqiri i Nënë Terezës, këto objekte të dashura që ruajnë gjurmët e dorës së saj u ekspozuan këtë të shtunë në Bibliotekën Kombëtare në Tiranë.<br /><br />Ekspozita mbahet në nderim të figurës së shquar të nënë Terezës dhe shenjtërimit të saj, pohon shefja e shërbimit dhe informacionit të këtij institucioni Reita Tato. Ajo rrëfen për Report TV disa elementë të veçantë të kësaj ekspozite.<br /><br />Sipas bashkëkuratores Tato, ekspozita është menduar si një homazh? kushtuar Nobelistes së paqes përmes objekteve, kujtimeve dhe titujve dhe veprave që kanë në fokus jetën frymëzuese dhe veprimtarinë e saj shembullore.<br /><br />Ndërsa ekspozita do të jetë e hapur për publikun deri më 10 shtator, Tato rrëfen se Nënë Tereza kudo ka lënë fjalët dhe gjurmët e saj për marrëdhënien shpirtërore kishte me Shqipërinë.<br /><br />Ekspozita për Nënë Terezën është realizuar në bashkëpunim me Muzeun Historik Kombëtar dhe Ministrinë e Kulturës.
