Të gjitha kopshtet në Tiranë, si në qendër ashtu edhe në periferi, ofrojnë të njëjtat kushte cilësore për fëmijët e kryeqytetit. Ky është synimi i Bashkisë së Tiranës, e cila nëpërmjet nismës ?Adopto një kopsht? ka mundur të rikonstruktojë tërësisht edhe kopshtin nr. 38 në Kombinat. Kryebashkiaku Erion Veliaj, i cili inspektoi punimet e kryera në këtë ambient të ri për fëmijët, theksoi se bashkia po punon për të ofruar të njëjtin standard për çdo fëmijë të Tiranës.<br /><br />?Më vjen mirë që kemi sjellë të njëjtin standard, për të treguar që fëmijët e Tiranës janë njësoj të çmuar, si ata që kanë lindur në periferi, ashtu edhe ata në qendër?, tha Veliaj.<br /><br />Sipas kryebashkiakut, të gjitha statistikat tregojnë se mënyra se si rriten fëmijët deri në moshën 5-vjeç përcakton mënyrën se si ata do të rriten dhe do të jetojnë në 50 vitet e ardhshme, ndaj dhe kujdesi ndaj këtij brezi është shumë i rëndësishëm.<br /><br />?Më vjen mirë që po ngrejmë baza të shëndosha, nuk po mendojmë për zgjedhjet e ardhshme, por po mendojmë për gjeneratën tjetër. Kjo është më e dobishme në jetën e një qyteti se çdo vendimmarrje tjetër?, tha ai.
