Tre ditë pasi dha dorëheqjen nga Ministria e Transporteve, Edmond Haxhinasto ka komentuar për herë të parë arsyet që e çuan në këtë vendim.<br /><br />Ish-Ministri i Transporteve ka deklaruar e vetmja arsye e dorëheqjes së tij është angazhimi në LSI, partia ku ai bën pjesë.<br /><br />"Nuk ka asnjë arsye tjetër përveç atyre që lidhen me angazhimin tim në parti. Angazhimi në parti është arsyeja që dhashë dorëheqjen", ka deklaruar haxhinasto. <br /><br />Sokol Dervishaj do të pasojë Haxhinaston në Ministrin e Transporteve. Dervishaj deri më tani ka qenë shef kabineti pranë Kuvendit të Shqipërisë.
