Është ndërprerë për shkak të reshjeve të dendura të shiut ndeshja Shqipëri-Maqedoni që po zhvillohet në Shkodër.<br /> <br />Stuhia e fortë me erë dhe reshje të dendura shiu ka ndërprerë ndeshjen mes Shqipërisë dhe Maqedonisë. Ndeshja është ndërprerë në minutën e 75.<br /> <br />Prej më shumë se 30 minutash qyteti i Shkodrës është përfshirë nga reshje shiu dhe vetëtima.<br /> <br />Tifozët janë larguar të gjithë nga stadiumi, ndërsa pritet që në vijim të vendosët për fatin e ndeshjes nëse do të vazhdohet apo jo sonte.<br /> <br />Tashmë pritet vendimi i arbitrit turk Gocek për ndeshjen, ndërsa tapeti është rënduar nga reshjet e shiut duke bërë të vështirë vazhdimin e ndeshjes.<br /> <br />Lojtari kuqezi Roshi doli për disa sekonda nga dhomat e zhveshjes për të parë gjendjen e fushës.<br /> <br />Stuhia ka dëmtuar edhe tabelat anësore të stadiumit në Shkodër.
