Subscribe në Ora News këtu http://bit.ly/1s5j7UT<br /><br />Kandidati për kryetar bashkie të Dibrës, Sherefedin Shehu sëbashku me kryetarin e Partisë Demokratike, Lulzim Basha u takua me banorë të fshatrave Poçest, Bellovë, Rapdisht dhe Tomin.<br />Shehu u tha banorëve se me të kryebashkiak, Bashkia do tu kthehet qytetarëve dhe administrata e Bashkisë do të jetë në shërbim të tyre.<br />Sherefedin Shehu: Duke filluar nga dita e hënë më datë 12, Bashkia do të kthehet tek ju. Largimi i mbeturinave do të fillojë që ditën e parë. Ndërmarrja e Ujësjellësit do të vijë këtu tek ju do të zgjerojë sistemin e ujit të pijshëm. Bashkia ka një ndërmarrje për përmirësimin dhe mirëmbajtjen e sistemit të vaditjes dhe pranverën e vitit të ardhshëm do ta filloni me një sistem të kanaleve vaditëse të përmirësuar ndjeshëm.<br />Zhvillimi ekonomik dhe punësimi janë prioritet i Sherefedin Shehut. Ai tha se Dibra i ka të gjitha mundësitë për zhvillim, pasi ka prodhime bujqësore, blegtorale, pemëtari dhe potencial të madh turistik.<br />Bashkia, tha zoti Shehu do të jetë ndërmjetëse mes bizneseve të mëdha dhe fermerëve të Dibrës, në mënyrë që prodhimet e tyre të gjejnë treg.<br /><br />Për më shumë lexoni në: http://www.oranews.tv/vendi/825938/
