Shtatë muaj më parë në nisje të procesit të konsideruar Dosja Cez-Dia Romeo Karaj personi që shihni në këto pamje paralajmëronte surpriza.<br /><br />Asokohe në emër të OSHE ai paraqiti dhe një padi dëmshpërblimi në vlerën e 8 milion eurove shifër të cilën duhet ta paguante Kastriot Ismailaj.<br /><br />Padia nuk u bë pjesë e këtij procesi, ndërsa sot 7 muaj më pas ku Ismailaj akuzohet nga shteti për vjedhje me pasoja të rënda dhe mashtrim Romeo Karaj është në rolin e dëshmitarit.<br /><br />Siç dhe shihni në pamje në hyrje të gjykatës ai është i rrethuar nga forcat e repartit të mbrojtjes së dëshmitarëve.<br /><br />Ende nuk ka një reagim të vetë Karaj nga se ndihet i kërcënuar pas 7 muajve ku fillimisht u paraqit në gjykim i pa mbrojtur.<br /> <br />Ndërsa i pyetur nga Report Tv jashtë gjykate ai u shpreh se do të flasë pasi të jap dëshminë e tij para togave të zeza.<br /><br />Këtë të Premte Karaj nuk mundi të dëshmojë dhe pse ishte i pranishëm në seancë.<br /> <br />Shkak u bë shtyrja e gjyqit pasi i pandehuri Kastriot Ismailaj pretendoi se në kafazin tashmë me xham të blinduar ai s'mundet të dëgjonte asgjë që thuhej në sallë.<br /><br />Gjykata pranoi të shtyjë seancën për të sistemuar sistemin audio në sallë çka në kushtet aktuale ishte e pamundur dëgjimi i palëve.
