24-orë pas vrasjes së zyrtarit të lartë të OSHEE-së Saimir Jaku, policia ka gjetur automjetin e djegur me të cilin dyshohet se kanë lëvizur dy autoret e kësaj ngjarje.<br /> <br />Sipas uniformave blu mjeti tip 'Benz' është gjetur i djegur mbrëmjen e së premtes në fshatin Vinjollë të Kurbinit zonë kjo e thellë malore.<br /> <br />Autoret e ngjarjes janë detyruar që të braktisin mjeti dhe më pas ti vënë flaken, pas ndjekjes që ju ka bërë policia.<br /> <br />Në zonë janë forca të shumta policie të cilët po ushtrojnë kontrolle, pasi autoret dyshohet se janë të fshehur në malin përreth.<br /> <br />Gjithashtu në ndihmë të policisë së qarkut të Lezhës dhe forcave të ndërhyrjes së shpejtë të Shkodrës ka ardhur dhe një helikopter i Ministrisë së Brendshme i cili po ushtron kontrolle në zonë nga ajri.<br /> <br />Pavarësisht se operacioni vijon që prej mesditës të së premtes ende nuk është rënë në gjurmët e autorëve të kësaj ngjarje të rëndë.
