Sot dibranët do t'i drejtohen kutive të votimit për të zgjedhur kryebashkiakun e tyre. Procesi i votimit ka filluar në orën 07:00 dhe pritet të mbyllet në orën 19:00. <br /><br />Në këtë garë kandidojnë Muharrem Rama i Aleancës për Shqipërinë Europiane kandidat i cili është i pari në listë dhe mban numrin 1 në fletën e votimit si dhe Sherefedin Shehu i Aleancës për Punë dhe Dinjitet i cili është i dyti dhe mban numrin 2 në fletën e votimit.<br /> <br />57 mijë e 18 zgjedhës nga të cilët 29.399 janë meshkuj dhe 27619 janë femra do të drejtohen në 118 Qendra Votimi të shpërndara në të gjitha Njësitë Administrative që përbëjnë bashkinë e madhe të Dibrës.<br /> 07:00 Nis procesi i votimit në Dibër <br /><br />Procesi i votimit në Dibër ka startuar në orën 07:00 dhe pritet të mbyllet në orën 19:00.
