Konvikti i shkollës profesionale Hoteleri-Turizëm i është kthyer plotësisht nxënësve, jo vetëm me kushte më të mira, por edhe me ambiente të plota.<br /><br />Pas zhvendosjes së banorëve që e kishin zaptuar një pjesë të konviktit prej gati 20 vitesh, Bashkia e Tiranës përfundoi rikonstruksionin e godinës duke mundësuar kushte më të mira për 180 nxënësit që do të jetojnë aty gjatë vitit shkollor.<br /><br />Ndërkohë që janë vendosur edhe 16 kamera për të mbikëqyrur mbarëvajtjen ditore dhe për të krijuar siguri te nxënësit dhe stafi i punonjësve.<br /> <br />Kryetari i Bashkisë së Tiranës, Erion Veliaj dhe deputeti i PS, Pandeli Majko, vizituan ambientet e rikonstruktuara të konviktit dhe vlerësuan punën e kryer, sidomos në ambientet e zaptuara, të cilat ishin në një gjendje shumë të keqe dhe të rrezikshme për jetën dhe shëndetin e nxënësve që jetonin në dy katet e sipërme të ndërtesës.<br /> <br />?Nuk kemi nevojë vetëm për kantiere infrastrukture, por edhe për kantiere sociale dhe ajo që po hapim sot është një kantier social.<br /> <br />Ky është një konvikt i cili strehon 180 nxënës që vijnë nga rrethe të ndryshme të Shqipërisë, që kërkojnë një mundësi suksesi në Tiranë, pranë një shkolle shumë të kërkuar, të cilën ne po e promovojmë edhe me politika qeverisëse, si Hoteleri-Turizmi?, tha kryebashkiaku Veliaj.
