Kandidati i Aleancës për Shqipërinë Europiane Muharem Rama po shkon drejt fitores së zgjedhjeve për bashkinë e Dibrës, pasi udhëheq me një diferencë prej 3257 vota ndaj rivalit Sherefedin Shehu të Partisë Demokratike.<br /> <br />Deri tani në bashkinë e Dibrës janë numëruar 74 kuti nga 118 në total.<br /><br />Muharem Rama ka arritur që të fitojë edhe në disa nga bastionet e Partisë Demokratike.<br /> <br />Maqellara njihet si bastion i demokratëve, por pavarësisht kësaj edhe një vit më parë kur kandidonte Ilir Krosi, demokratët humbën në këtë njësi me një diferencë prej 34 votash në favor të kandidatit socialist, Shukri Xhelili. <br /><br />Deri tani Muharrem Rama ka fituar njësitë e numëruara në Maqellarë, Luzni, Selishtë, Melan, Peshkopi dhe Tomin.<br /><br />Procesi pas fillimit në mesnatë u ndërpre në orën 04:45 të mëngjesit për të rifilluar sot në orën 10:45 të paradites.<br /> <br />Nëse procesi ecën me këtë ritëm dhe nëse nuk do të ketë probleme procesi zgjedhor pritet që të përfundojë brenda ditës së sotme.<br /> <br />Procesi i numërimit po transmetohet live nga Report Tv nga grupi i xhirimit dhe gazetari Arsen Rusta, ndërsa po ndiqet me mjaft interes në KZAZ nr. 19 nga kandidatët, deputetët e dy partive dhe drejtuesit e degëve.<br /><br />Në votim kanë marrë pjesë 60% e popullsisë, pra janë 33 978 vota për t'u numëruar.<br /> <br />Procesi votimit, por edhe ai i numërimit të votave vazhdon i qetë dhe pa probleme, policia është në gatishmëri në KZAZ numër 19 për të shmangur cdo incident.
