Kryeministri ka zgjedhur shkollën e mesme "Sadi Nuri" ? Njësia Administrative Ndroq për të uruar ?Suksese!? të gjithë nxënësve që sot nisin vitin e ri shkollor. U zgjodh shkolla e mesme e Ndroqit, e cila sapo është rikonstruktuar në ambientet mësimore, por ende nuk ka përfunduar puna në terrenet sportive të saj.<br /> <br />Kryeministri Edi Rama bashkë Ministren Lindita Nikolla ishin në këtë shkollë edhe për të bërë një urim special për një nga nxënësit, Erdi Muça i cili sot festonte ditëlindjen e tij të 16-të. Një urim dhe një dhuratë. Sigurisht, libra të dy autorëve që janë krenaria e letërsisë shqiptare, Ismail Kadare e Dritëro Agolli.<br /> <br />Një tjetër moment falenderimi në këtë shkollë ishte edhe takimi me mësuesin e edukimit fizik Faslli Jashari, i sapo dalë në pension. Patjetër që terrenet sportive ishin në qendër të bisedës së Kryeministrit me mësuesin që premton të japë ende kontributin e tij për shkollën edhe pse ka nisur vitet e pensionit.<br /> <br />Shkolla e mesme ?Sadi Nuri? është rikonstruktuar në 2016. Investimi me vlerë mbi 27 milionë lekë lekë.Pajisja me bazën materiale me vlerën mbi 3 milionë lekë.
