Ka hyrë në ditën e tretë protesta e nxënësve të fshatit Valare në Gjirokastër, për të cilët bashkia ende s?ka siguruar një mjet transporti, teksa fëmijëve u duhet të bëjnë çdo ditë me kilometra rrugë për të shkuar në shkollë. Prindërit bëjnë apel për zgjidhjen e situatës. <br /><br />Nxënësit dhe prindërit, nuk kanë lejuar kalimin e automjeteve në aksin që lidh qytetin e Gjirokastrës, me fshatrat e Lunxhërisë dhe të Zagories. <br /><br />Shkak ka qenë refuzimi i shoferëve të furgonëve të bashkisë për të transportuar nxënësit e fshatit Valare.<br /><br />Këta të fundit, duhet të përshkojnë 6 km rrugë me këmbë përditë vajtje-ardhje deri në shkollën e vendosur nga bashkia, për të mësuar.<br /><br />Të gjendur përballë mungesës së komunikimit me autoritetet e bashkisë, vetë prindërit kanë ndërmarrë një iniciativë për të bllokuar rrugën në fshatin Valare.<br /> <br />Ndërkohë ende nuk ka asnjë reagim nga bashkia e Gjirokastrës për këtë çështje.
