Reshjet e rëna në orët e para të mëngjesit të kësaj të shtune kanë rikthyer sërish përmbytjet në rrugët e qytetit të Kukësit.<br /><br />Kanë mjaftuar vetëm pak minuta reshje shiu që rrugët e qytetit verilindor të përmbyten sërish, duke vështirësuar qarkullimin e automjeteve dhe të qytetarëve. <br /><br />Situata e përmbytjeve përsëritet sa herë që ka reshje shiu për shkak të problematikave që kanë sistemet e kanalizimeve të ujërave të bardha dhe vjedhjes së kapakëve të pusetave.<br /><br />Përmbytjet më të mëdha janë konstatuar në rrugët dytësore të qytetit, të cilat nuk njohin asnjë investim prej vitesh. <br /><br />Probleme pas reshjeve të dendura të shiut janë shënuar edhe në zonat rurale, por edhe në ?Rrugën e Kombit?. Aktualiasht situata është normalizuar dhe uji është tërhequr nga rrugët e qytetit.
