Policia e Tiranës ka arrestuar një 21-vjeçar i cili së bashku me shokun e tij ka kërcënuar me armë 3 persona të tjerë.<br /> <br />Konflikti mes Xhoni Hitaj dhe I. F. ,S. F. e E. C. ka ndodhur rreth orës 00:30 në rrugën ?Nuçi Naçi?.<br /> <br />Nga kontrollet e policisë u bë e mundur gjetja dhe sekuestrimi i armës që Hitaj së bashku me shtetasin tjetër që ende nuk është kapur kishin kërcënuar tre shtetasit e mësipërm gjatë konfliktit.<br /><br />Arma pistoletë e tipit "SIGSAUER P226", 9mm dhe një krehër me 10 fishekë u gjetën të fshehura në një pallat pranë vendit të ngjarjes, në një kuti matësi uji në katin e tretë, të cilat u sekuestruan në cilësinë e provës materiale.
