Ministri i Punëve të Brendshme Saimir Tahiri priti sot një delegacion të nivelit të lartë të Policisë italiane.<br /> <br />Tahiri theksoi bashkëpunimin e frytshëm të deritanishëm dhe rezultatet pozitive falë tij, si edhe ndihmën e dhënë policisë shqiptare në luftën kundër kriminalitetit, trafiqeve dhe paligjshmërisë në tërësi.<br /> <br />Ndërkohë u evidentua fakti se me mbështetjen e qeverisë italiane, edhe këtë vit po monitorohet territori i vendit, për të identifikuar dhe asgjësuar bimët narkotike.<br /> <br />Ministri shtroi nevojën për mbështetjen edhe të parterëve të tjerë, për të pasur rezultate sa më solide në luftën kundër krimit të organizuar.<br /> <br />Palët ranë dakord për rritjen e shkëmbimit të informacioneve në kohë reale në aspektin operativ, si dhe forcimin e bashkëpunimit në sektorin e sigurisë dhe të luftës kundër terrorizimit.<br /> <br />Ministri Tahiri u dorëzoi Çertifikatë Vlerësimi, numrit 2 të policisë italiane Antonio Cufalo dhe Drejtorit të Bashkëpunimit Ndërkombëtar Gennaro Capoluongo, në shenjë falënderimi për kontributin e çmuar që kanë dhënë për forcimin e bashkëpunimit në luftën kundër kriminalitetit.
