Në skemën e sigurimit të depozitave nëpër banka nuk do të bëjnë pjesë vetëm individët, por edhe bizneset.<br /> <br />Janë publikuar tashmë në fletoren zyrtare ndryshimet në legjislacionin bankar të cilat parashikojnë përfshirjen e më shumë se 112 mijë depozitave të reja në skemën e mbrojtjes të Agjencisë e Sigurimit të Depozitave.<br /> <br />Në këtë mënyrë, në skemën e sigurimit të detyrueshëm të depozitave përfshihen edhe depozitat e tregtarëve dhe shoqërive tregtare, të cilat përbëjnë 13% të depozitave të sistemit në vlerë, ose 129,6 mld lekë.<br /> <br />Në total 112 mijë depozituesit e rinj të përfshirë në skemë përbëjnë 6% të numrit të depozituesve. Nga 129,6 miliardë lekë depozita që do të përfshihen në skemë, 29,2 miliardë lekë do të sigurohen nga skema (deri në nivelin 2,5 mln lekë).<br /> <br />Gjithashtu, nga 112.584 depozitues, 105.961 prej tyre mbulohen plotësisht dhe pjesa tjetër mbulohen pjesërisht (deri në 2,5 milionë lekë).<br /> <br />Aktualisht, depozitat e siguruara të individëve në sistemin bankar kapin vlerën 573.1 miliardë lekë.<br /> <br />Përfshirja e depozitave të tregtarëve dhe shoqërive tregtare në skemë do të rriste depozitat e siguruara me 29.2 miliardë lekë ose 5.1%.
