Nata finale e festivalit Etno Folk që u mbajt katër ditë rresht në Tiranë solli një varg interpretimesh origjinale të këngëve e valleve popullore. Janë ngjitur në skenë grupe artistike të ardhura nga Berati, Kuçova, Mirdita, Mati, Kosova e grupi polifonik i Himarës.<br /> <br />Grupi i Mirditës i drejtuar nga Gjergj Marku ka sjell përveç këngëve të njohura edhe valle të rralla të trevës së Mirditës, të interpretuara me elegancë dhe mjeshtëri nga të rinjtë.<br /><br />Për sjelljen në skenë të këtyre valleve pothuajse të harruara Gjergj Marku rrëfen më tepër.<br /> <br />Kënga popullore në Mirditë falë autorit të njohur të teksteve të këngëve Gjok Beci ka fituar cilësinë edhe për interpretime me tekste bashkëkohore, ku nuk munguan edhe këngët satirike.<br /> <br />Ndërsa një këngë patriotike dhe historike për Kosovën u këndua nga një nga zërat më të bukur të trevës Mrika Trumshi.
