کھول آنکھ زمیں دیکھ، فلک دیکھ، فضا دیکھ <br />کھول آنکھ زمیں دیکھ، فلک دیکھ، فضا دیکھ <br />مشرق سےابھرتے ہوئے سورج کو زرا دیکھ <br />اس جلوہ بے پردہ کو پردوں میں چھپا دیکھ <br />ایامِِ جدائی کے ستم دیکھ، جفا دیکھ <br />بے تاب نہ ہو معرکہ بیم و رجا دیکھ <br />کھول آنکھ زمیں دیکھ، فلک دیکھ،فضا دیکھ <br />ہیں تیرے تصرف میں یہ بادل یہ گھٹائیں <br />یہ گنبدِ افلاک، یہ خاموش فضائیں <br />یہ کوہ، یہ #صحرا، یہ #سمندر، یہ ہوائیں <br />تھیں پیشِ نظر کل تو فرشتوں کی ادائیں <br />آئینہ ایام میں آج اپنی ادا دیکھ <br />کھول آنکھ زمیں دیکھ، فلک دیکھ،فضا دیکھ <br />سمجھے گا زمانہ تیری آنکھوں کے اشارے <br />دیکھیں گے تجھے دور سے گردوں کے ستارے <br />ناپید تیرے بحرِ تخیل کے کنارے <br />پہنچیں گے فلک تک تیری آہوں کے شرارے <br />تعمیرِ خودی کر، اثر آہ رسا دیکھ <br />کھول آنکھ زمیں دیکھ،فلک دیکھ، فضا دیکھ <br />خورشیدِ جہاں تاب کی ضو تیرے شرر میں <br />آباد ہے اک تازہ جہاں تیرے #ہنر میں <br />جچتے نہیں بخشے ہوئے فردوس نطر میں <br />جنت تیری پنہاں ہے تیرے #خونِ جگر میں <br />اے پیکرِ گل #کوشش پیہم کی جزا دیکھ <br />کھول #آنکھ زمیں دیکھ، #فلک دیکھ،فضا دیکھ
