*چین و عرب ہمارا ، ہندوستان ہمارا* <br />چین و عرب ہمارا ، ہندوستان ہمارا <br />مسلم ہیں ہم ، وطن ہے سارا جہاں ہمارا <br />توحید کی امانت سینوں میں ہے ہمارا <br />آساں نہیں مٹانا، نام و نشاں ہمارا <br />دنیا کے بت کدوں میں پہلا وہ گھر خدا کا <br />ہم اس کے پاسباں ہیں ، وہ پاسباں ہمارا <br />تیغوں کے سائے میں ہم ، پل کر جواں ہوئے ہیں <br />خنجر ہلال کا ہے ، قومی نشاں ہمارا <br />مغرب کی وادیوں میں گونجی اذاں ہماری <br />تھمتا نہ تھا کسی سے سیل رواں ہمارا <br />باطل سے دبنے والے اے آسماں نہیں ہم <br />سو بار کر چکا ہے تو امتحاں ہمارا <br />اے گلستانِ اندلس ! وہ دن ہیں یاد تجھکو <br />تھا تیری ڈالیوں میں جب آشیاں ہمارا <br />اے موجِ دجلہ! تو بھی پہنچانتی ہے ہم کو <br />اب تک ہے تیرا دریا افسانہ خواں ہمارا <br />اے ارضِ پاک ! تیری حرمت پہ کٹ مرے ہم <br />ہے خوں تیری رگوں میں اب تک رواں ہمارا <br />سالارِ کارواں ہے میرِ حجازﷺ اپنا <br />اس نام سے ہے باقی آرامِ جاں ہمارا <br />اقبال کا ترانہ بانگِ درا ہے گویا
