وطنیّت <br />اس دور میں مے اور ہے،جام اور ہے جم اور <br />ساقی نے بِناکی روِشِ لُطف و ستم اور <br />مسلم نے بھی تعمیر کیا اپنا حرم اور <br />تہذیب کے آزر نے ترشواے صنم اور <br />ان تازە خداوں میں بڑا سب سے وطن ہے <br />جو پیراہن اس کا ہے،وە مذہب ک کفن ہے <br />یە بت کہ تراشیدە تہذیبِ نوی ہے <br />غارت گرِ کاشانہ دینِ نَبوی ہے <br />بازو ترا توحید کی قوت سے قوی ہے <br />اسلام ترا دیس ہے، تُو مصطفَوی ہے <br />نظارە دیرینہ زمانے کو دِکھ دے <br />اے مصطفَوی خاک میں اِس بت کو مِلا دے! <br />ہو قید مقامی تو نتیجہ ہے تباہی <br />رہ بحر میں آزادِ وطن صُورتِ ماہی <br />ہےترکِ وطن سُنّتِ محبوبِ الٰہی <br />دے تُو بھی نبّوت کی صداقت پہ گواہی <br />گُفتارِ سیاست میں اور ہی کچھ ہے <br />ارشاد نبّوت میں اور ہی کچھ ہے <br />اقوامِ جہاں میں ہے رقابت تو اسی سے <br />تسخیر ہے مقصودِ تجارت تو اسی سے <br />خالی ہے صداقت سے سیاست تو اسی سے <br />کمزور کا گھر ہوتا ہے غارت تو اسی سے <br />اقوام میں مخلوقِ خدا بٹتی ہے اس سے <br />قومیّتِ اسلام کی جڑ کٹتی ہے اس سے <br />علامه محمد اقبالؒ
