Qyteti i Krujës edhe pse është më pak se një orë larg nga Tirana, dhe mban statusin e një qyteti muze, nuk ka ambiente argëtimi për fëmijë.<br /> <br />Në këtë qytet nuk ka asnjë kënd lojërash për fëmijë, as lulishte, as parqe ku mund ata mund të argëtohen. <br /><br />Edhe teatri i Kukullave ku fëmijët do të vinin me dëshirë për të parë shfaqje është në gjendje skandaloze.<br /> <br />Nga çatia e shkatërruar e teatrit shiu bie në të gjitha ambientet e brendshme, të cilat janë kthyer në vende të grumbullimit të plehrave.<br /> <br />Qytetarët krutanë ankohen se fëmijët e tyre nuk kanë asnjë hapësirë ku të dëfrehen e të luajnë në kohën e lirë. Ata janë të detyruar të mbyllen në shtëpi për shkak të mungesë së ambienteve ku mund të luajnë dhe të argëtojnë.
