Reshjet e dendura të shiut që kanë nisur prej mbrëmjes së kaluar dhe kanë vazhduar mëngjesin e sotëm kanë shkaktuar probleme të mëdha në Lezhë.<br /><br />Shumë rrugë dhe trotuare janë përmbytur nga reshjet e dendura të shiut, duke vështirësuar qarkullimin dhe aktivitetin normal të jetës së qytetit në këtë ditë të diel.<br /><br />Shumë biznese të kateve të para janë dëmtuar nga reshjet me intensitet të lartë që kanë rënë përgjatë natës<br /><br />Rrugët e përmbytura kanë krijuar mjaft probleme, veçanërisht për drejtuesit e automjeteve dhe këmbësorët.<br /><br />Reshjet e dendura të shiut kanë shkaktuar probleme dhe në zonat rurale të Lezhës.
