Sipërfaqe të mëdha tokash vazhdojnë prej shumë ditësh të jenë nën ujë.<br /> <br />Situatë mjaft e rënduar është në fushë të Gjormit, në zonën e Fushkuqes, në fshatin Rrahi i Pashës, Gjol i Zi ku niveli i ujit vazhdon në shumë sipërfaqe të tyre të jetë mbi 50 cm. <br /> <br />Dëmet janë të mëdha pasi uji ka asfiksuar tërë bimësinë e mbjellë, po ashtu edhe dru frutorë të ndryshëm.<br /> <br />Banorët ankohen se megjithëse kjo gjendje vazhdon prej më shumë se 10 ditësh asnjë pushtetar nuk ka ardhur për të parë gjendjen.<br /> <br />Një banor i është drejtuar me shkrim kryetarit të bashkisë Laç për gjendjen por asnjë përgjigje nuk ka marrë.<br /> <br />Në total janë mbi 100 ha tokë në gjithë Krubinin nën ujë.
