Në të gjitha pjesët më të rrezikshme të segmentit Kukës - Bushtricë, pjesë e rrugës nacionale Kukës - Peshkopi, po vendosen barriera anësore për të rritur akoma më shumë sigurinë rrugore.<br /><br />Këto masa janë marrë në mënyrë që automjetet që mund të humbasin kontrollin të mos përfundojnë jashtë rruge pasi terreni është shumë i thyer dhe tani, me ardhjen e stinës së dimrit, kushtet për të ndodhur aksidentet janë evidente.<br /><br />Krahas vendosjes së këtyre barrierave anësore, firma kontraktore që mirëmban këtë segment rrugor po punon edhe për riparimin e sinjalistikës rrugore me qëllim që drejtuesit e automjeteve të njihen me kushtet e rrugës.
