Përfaqësues të Aleancës Kundër Importit të Plehrave (AKIP), janë pritur sot në një takim nga kryetari i Partisë Demokratike, Lulzim Basha.<br /> <br />Përfaqësuesi i AKIP, Lavdosh Feruni, u shpreh gjatë një prononcimi për mediat se kanë marrë mbështetjen e PD, ndërsa njoftoi se protesta e radhës kundër Mbetjeve do të jetë të shtunën, në 30 Tetor.<br /> <br />"Ne do të reagojmë në mënyrën siç kemi reaguar tani, me reagim qytetar dhe protesta.<br /> <br />Z.Basha tha se PD është krah jush dhe jo ju krah nesh. Kemi mbështetjen e PD dhe do të kontribuojnë për të ndaluar importin e plehrave në komisionet parlamentare. Diskutuam edhe për çështjen e referendumit për të cilat PD ka ndërmarrë iniciativë. Të ndalojmë njëherë ligjin e plehrave dhe më pas të ndiqet edhe rruga e referendumit", u shpreh Feruni, duke theksuar se AKIP do të vijojë takimet gjatë ditës së sotme, edhe me grupin parlamentar të PS e PDIU.
