E marta është një ditë makthi për drejtuesit e automjeteve dhe qytetarët që qarkullojnë përmes aksit rrugor që lidh qytetin e Beratit me Fierin.<br /><br />Çdo të martë në këtë aks organizohet tregu lëvizës. Shumë tregtarë i shesin produktet e tyre përgjatë këtij aksi, shpesh herë mes pluhurit dhe baltës, duke krijuar kaos në trafik.<br /><br />Që nga kafshët, pajisjet shtëpiake, e deri tek fruta-perimet shiten në një shesh të improvizuar anë rrugës, por që rëndom përfundon deri në asfalt, duke bllokuar edhe qarkullimin e makinave.<br /><br />Shitja e produkteve dhe fluksi i madh i qytetarëve, krijon probleme në qarkullimin e mjeteve, duke u bërë jo pak herë dhe burim aksidentesh.<br /><br />Tregtarët thonë se janë të vetëdijshëm për kushtet e papërshtatshme, por kjo është e vetmja mënyre jetese për ta.
