Katër të ndaluarit për terrorizëm ditën e shtunë në Shkodër kanë mohuar akuzat e ngritura nga ndaj tyre. Ata janë marrë në pyetje nga oficerët e policisë, pasditen e të shtunës dhe paraditen e të dielës.<br /><br />Ergys Fasllia, i dyshuar si një nga organizatorët dhe me profesion berber në qytetin e verior ka mohuar njohjen me dy të ndalurit e tjerë, Xhezair Fishti dhe Medat Hasani.<br /><br />Gjithashtu 30-vjeçari ka mohuar se ka patur rol në propagandimin e luftës në Siri dhe dërgimin e besimtarëve myslimane atje. Sipas Fasllisë ata janë prangosur për shkak të besimit të tyre islam dhe devotshmërisë së tyre ndaj kësaj feje.<br /><br />Fasllia ka pranuar se njeh vetëm të ndaluarin Bekim Protopa, i cili është mjek në Malësinë e Madhe dhe banues në qytetin e Shkodrës.<br /><br />Të njëjtin qëndrim ka mbajtur edhe Xhezair Fishti, i cili është me profesion hoxhë dhe banues në Dibër.<br /><br />Ai nuk ka pranuar akuzat e ngritura dhe për tepër ka sqaruar se nuk i njeh Ergys Fasllinë dhe Bekim Protopapën.<br /><br />Edhe Medat Hasani i ndaluari i katërt për këtë çështje ka sqaruar se nuk ka dijeni për akuzat e ngritura. Fishi dhe Hasani i kanë thënë hetuesve se po persekutohen për shkak se janë myslimanë.<br /><br />Por pavarësisht këtyre deklarimeve prokuroria ka ngritur për këtë persona akuzën kryerjes së veprave me qëllim aktet terroriste si dhe nxitjen e urrejtjes ose grindjes nder fetare.<br /><br />Prokurorët e Krimeve të Rënda thonë se kanë si prova për të ndalurit: përgjime, filmime dhe fotografi që vërtetojnë se ata njihen me njeri-tjetrin dhe kanë kryer veprime aktive për të propaganduar luftën në Siri dhe të ndikojnë tek individë të ndryshëm për t?i dërguar në luftë.<br /><br />Në tre maj të këtij viti Gjykata e Krimeve të Rënda dënoi me 126 vite burg 9 persona të akuzuar për xhihadizëm. Në bashkëpunim me njeri-tjetrin ata kishin dërguar në luftoni përkrahë Shtetit Islamik rrert 90 shqiptarë.
