Subscribe në Ora News këtu http://bit.ly/1s5j7UT<br /><br />Projektbuxheti i Ministrisë së Arsimit për vitin e ardhshëm është parashikuar të jetë 51 miliardë lekë. Ministrja Nikolla në Komisionin parlamentar të Edukimit garantoi se për Universitetet private do të ketë zero fonde nga buxheti i shtetit. Deputetët e mazhorancës shprehën pakënaqësi për buxhetin e ulët për sportin.<br />Asnjë lekë nga buxheti i shtetit nuk do të shkojë në Universitetet private.<br />Ministrja Nikolla tha se për këtë deklaratë para Komisionit të Edukimit mban përgjegjësi, me qëllim shuarjen e debatit gati 2 vjeçar se reforma e arsimit të lartë favorizon Universitetet private.<br />Nikolla: Në asnjë rast buxheti i shtetit nuk ka dedikuar para për Universitetet private. As me ligjin e ri të arsimit nuk e bën këtë.Ka një zë të veçantë dedikuar shkencës, ka qenë dhe do të vijojë të jetë. Me përgjegjësi të plotë, asnjë lekë publik për Universitetet private.<br />Opozita nuk ishte në Komisionin parlamentar të Edukimit me argumentin se nuk ishin njoftuar për orarin e mbledhjes së Komisionit.<br />200 mln lekë është buxheti i parashikuar për sportin, por kjo shifër nuk ka kënaqur as deputetët e mazhorancës, të vetmit të pranishëm në Komision, pasi opozita bojktoi mbledhjen.<br />Deputeti, Fidel Ylli, tha se edhe Kosova, buxhetin për sportin e ka 3-4 herë më të madh se ai Shqipërisë.<br /><br />Për më shumë lexoni në: http://www.oranews.tv/vendi/nikolla-buxheti-per-arsimin-per-te-vijuar-me-reformat/
