Duke nisur nga 1 Janari 2017, drejtuesit e automjeteve me gaz do të paguajnë 13 lekë për litër më shtrenjtë karburantin.<br /><br />Por si do të funksionoje kjo skemë dhe si do të bëhet e mundur ndarja e përdorimit për konsum nga familjarët dhe automjetet për të mos lënë shteg për abuzim?<br /><br />Nga Ministria e Energjisë sqarojnë se ndarja e akcizës nuk do të bëhet në Dogane, por në momentin e konsumit dhe kjo faktohet nëpërmjet instrumentave fiskale dhe lëshimit të kuponit tatimor.<br /><br />Kjo skemë, sipas Ministrisë së Energjisë do të nxisë konsumatorët që të operojnë sipas ligjit për furnizimin e bombulave, duke dorëzuar atë bosh dhe duke marë atë plot. Dhe jo duke i mbushur në mënyrë të jashtligjshme pasi nuk do t?i interesonte me një çmim më të lartë.<br /><br />Në rast se një tregtar kapet duke mbushur bombul me akcizë për familjarët, gjoba është 500 ? 700 mijë lekë të reja, sipas ligjit në fuqi, që ndalon këtë lloj mbushje.<br /><br />Sipas të dhënave të Drejtorisë së Përgjithshme e Shërbimeve të Transportit Rrugor, në Shqipëri janë afro 13 mijë e 700 automjete që operojnë me gaz, që pritet të preken nga vendosja e akcizës.<br /><br />Duke llogaritur se importi vjetor i gazit të lëngshëm është rreth 100 mijë tonë në vit, efekti në të ardhurat buxhetore nga akciza dhe nga TVSH-ja në total pritet të jetë 0.647 miliardë lekë.<br /><br />Nga Ministria e Energjisë thuhet se menjëhere pas hyrjes në fuqi të këtij ligji do të ketë kontrolle të përbashkëta mes Doganave dhe Inpektriatit Shtetëror Teknik Industrial.
