Kreu i demokratëve Lulzim Basha edhe njëherë ka theksuar hapjen e partisë. Nga Gjirokastra, numri një i PD-së iu bëri thirrje demokratëve që prekin nga afër realitetin e njerëzve.<br /><br />?Kjo qeveri është shkëputur tërësisht nga realiteti i qytetarëve, që prej ditës së pare, me vullnetin e saj. Ky kryeministër është izoluar nga hallet e shqiptarëve prej ditës së tij të parë në zyrë. Sot shpresa po vdes për shkak të politikës së papërgjegjshme që po e vret, një politikë që promovon të keqen dhe i thotë ndal të mirës. Ky është instrumenti, ky është çelësi për të thyer ciklin vicioz të tranzicionit, duke i thënë urdhëro, dhe duke i hapur derën të mirës dhe duke i thënë ndal të keqes, brenda vetes tonë dhe pastaj për të gjithë shqiptarët?, deklaroi Basha.<br /><br />Ai akuzoi qeverisë se ka shpenzuar miliona euro për shërbime luksi, duke lënë një pjesë të madhe të njerëzve në varfëri.<br /><br />Basha premtoi se në qeverinë e tij, qëllimi do të jetë të mos ketë asnjë familje pa buke. Kryedemokrati vuri në dukje se ndryshimi i vendit, do të ndodhë por kësaj duhej t?i paraprijë ndryshimi i Partisë Demokratike.
