Arrestohet pas disa orësh, autori i vrasjes së ndodhur mëngjesin e sotëm në Kavajë. Në pranga ka rënë Qamil Çelhaka, 30 - vjeç, banues në këtë qytet.<br /><br />Konflikti mes dy kushërinjve, për motive që dyshohet se lidhen me çështje pronësie, çoi në vdekjen e Fatmir Çelhakas, i cili u godit me sëpatë nga kushëriri i tij, Qamil Çelhaka.<br /><br />Ngjarja e rëndë ndodhi rreth orës 09:40, në fshatin "Cikallesh".<br /><br />I lënduar nga kjo ngjarje ka mbetur edhe një tjetër person me iniciale Y. I, i cili është dërguar në S.Q.U. <br /><br />Nga hetimi paraprak, policia dyshon se shkak për ngjarjen është bërë një konflikt për motive pronësie mes palëve, për një pemë që ishte pranë kufirit ndarës të pronave të tyre.
