Inspektorati Kombëtar i Mbrojtjes së Territorit (IKMT) ka nisur aksionin për prishjen e një sërë objektesh të kundërligjshëm brenda Universitetit Bujqësor të Tiranës.<br /> <br />Në krye të operacionit i cili ka nisur prej orës 6.00 të ditës së sotme, është vendosur kryeinspektorja e IKMT, Dallëndyshe Bici.<br /> <br />Janë 11 objekte një dhe dy katëshe me funksione kryesisht shërbimi të cilat janë planifikuar të prishen në kuadër të rehabilitimit të këtij universiteti publik.<br /> <br />Në mbështetje të IKMT janë dhe forcat e policisë, ndërkohë që deri tani nuk është regjistruar asnjë incident.
