Efektivët e kryeqytetit kanë vënë në pranga një person ndërsa një tjetër është shpallur në kërkim, pasi dyshohen se në bashkëpunim me njëri - tjetrin, qëndrojnë pas vjedhjes e të paktën 11 furgonave.<br /><br />Në pranga ka rënë Erion Mazhi, 25 vjeç, banues në fshatin Renxe, Dibër, ndërsa në kërkim është shpallur H. Elezaj, 48 vjeç.<br /><br />Sipas policisë, Elezaj, në bashkëpunim me persona të tjerë për të cilët po kryhen hetime për identifikimin e tyre, kryente vjedhjen e automjeteve të tipit "Mercedes Benz", kategoria furgon, në qytetin e Tiranës dhe i dërgonte në rrethin e Dibrës në një pikë grumbullimi mjetesh të përdorura, ku dhe më pas çmontoheshin dhe shiteshin për pjesë këmbimi. <br /><br />Pika e grumbullimit ishte në pronësi të të arrestuarit Erion Mazhi. Ajo ndodhej në fshatin Renxe Komuna Fushëqidhën, rrethi Dibër.
