Udas Shaamain, Ujaar Rastay Kabhi Bulain Tou Laut Aana <br />Kisi Ki Aankhon Mein Ratjagon Ke Azaab Aain Tou Laut Aana <br /> <br />Abhi Nayi Wadiyoon, Naye Manzaron Mein Reh Lo Magar Meri Jaan <br />Yeh Saray aik Aik Kar Kay Jab Tum Ko Chor Jain Tou Laut Aana <br /> <br />Jo Shaam Dhaltay Hi Apni Apni Panah Gahoon Ko Lauttay Hain <br />Agar Woh Panchi Kabhi Koi Daastan Sunain Tou Laut Aana <br /> <br />Naye Zamaanon Ka Kurb Orhay Zaeef Lamhay, Nidhaal Yaadain <br />Tumhaaray Khwaabon Ke Band Kamron Mein Laut Aain Tou Laut Aana <br /> <br />Mein Roz Younhi Hawa Pay Likh Likh Kar Us Ki Janib Ye Bhejta Hoon <br />Ke Achay Mausam Agar Paharoon Pe Muskurain Tou Laut Aana <br /> <br />Agar Andheron Mein Chor Kar Tum Ko Bhool Jayein Tumharay Sathi <br />Aur Apni Khatir Hi Apnay Apnay Diye Jalain Tou Laut Aana <br /> <br />Meri Woh Batain Tu Jin Pay Be Ikhtiyar Hansta Tha Khilkhila Kar <br />Bicharnay Walay Meri Woh Batain Kabhi Rulain Tou Laut Aana…..! <br /> <br />Poet: Farhat Abbas Shah <br />Voice: Imran Sherazi
