Edhe një herë tjetër ?Akoma jo? e Aurela Gaçes, rrëmbeu duartrokitjet e spektatorëve në Pallatin e Kongreseve. Kënga fituese e edicionit të një viti më parë, ishte surpriza që Ardit Gjebrea solli bashkë më Elia Zaharia Zogu, në nisje të mbrëmjes së parë gjysmëfinale të ?Kënga Magjike?.<br /><br />Për publikun në sallë dhe telespektatorët që e ndoqën drejtpërdrejt nga ekrani i Televizionit Klan, ishte një emocion i veçantë të dëgjonin Arditin dhe Elian si këngëtarë.<br /><br />23 ishin këngëtarët konkurrentë.<br /><br />Nga emrat e kategorisë ?Big? në natën e parë ishin Mariza Ikonomi, Soni Malaj, Era Rusi, Devis Xherahu, Eranda Libohova.<br /><br />Artistja që u duartrokit gjatë ishte Rozana Radi me ?Ma thuaj ti?, këngë e cila sjell me vargje një fenomen të dhimbshëm siç është dhuna ndaj gruas.<br /><br />Për tetë konkurrentët e kategorisë ?New Artist?, ?Artistët e rinj? emocioni ishte i dyfishtë. Juria me Juliana Pashën, Olti Currin, Dj. Sardin, Venera Lumanin dhe Ulis Krajkën, i dhanë dritën jeshile për të votuar dhe për t'u votuar për mbrëmjen finale, katër zërave të rinj, Markelit, Mishela Rrapos, Davidit dhe Florian Nazifit.<br /><br />Takimi i 18 me ?Kënga Magjike? vazhdon sonte në mbrëmje, më natën e dytë gjysmëfinale. 24 artistë konkurrojnë për finalen e madhe të së shtunës, mes të cilëve edhe 8 të rinj, që përsëri do të nënshtrohen gjykimit të jurisë, drejtpërdrejt nga Pallati i Kongreseve në ekranin e Televizionit Klan, në 20 e 30.
