Kreditë e këqija shënuan një tjetër rritje në muajin tetor të këtij viti duke vijuar të njëjtin trend prej afro 10 muajsh.<br /><br />Sipas të dhënave më të fundit të shoqatës së bankave, kreditë me probleme në tetor arritën në afro 21.4% e totalit të kredisë që është dhënë për ekonominë, ose afro 1.28 miliardë dollarë.<br /><br />Nëse krahasohet me fundin e vitit të kaluar, kur kreditë e këqija ranë në 18.2% të totalit të kredive, ose 1.06 miliardë dollarë, atëherë rritja e portofolit të huave me probleme në banka për 10 muaj rezulton të jetë rritur me rreth 220 mln dollarë më shumë.<br /><br />Në sistemin bankar janë 35 korporata që zotërojnë afro 65% të kredive të këqija ose një vlerë prej 600 milionë euro.<br /><br />Ekspertet kanë ngritur disa herë shqetësimin se çështja e kredive me probleme mbetet pengesa kryesore, përsa i përket rigjallërimit të kreditimit në ekonomi. Për këtë është marrë një plan masash nga qeveria dhe banka e Shqipërisë, por që shifrat tregojnë se nuk po japin efekt.
