Dy shkallë të gjyqësorit në Tiranë kanë vendosur të pengojnë një hetim të Prokurorisë për Inspektoriatin e Lartë të Deklarimit dhe Kontrollit të Pasurisë dhe Konfliktit të Interesit.<br /><br />Në fillim Shkalla e Parë dhe më pas Apeli rrëzuan urdhërin e Prokurorisë së Tiranës për sekuestrimin e disa materialeve, si pjesë e një hetimi të nisur për shkak se Inspektoriati nuk kishte verifikuar pasurinë e asnjë zyrtari të lartë në dy vjet dhe nuk kishte bërë referime në organin e akuzës.<br /><br />Më 7 Nëntor, Prokuroria e Tiranës sekuestroi disa dosje deputetësh dhe i kërkoi Inspektoriatit t?i niste edhe praktikat për vitet 2015 ? 2016. Në kohën, kur hetuesit ishin në pritje të praktikave, institucioni që drejtohet nga Shkëlqim Ganaj depoziton në Gjykatën e Tiranës një ankim për heqjen e sekuestros.<br /><br />Gjykatat i japin të drejtë, duke shënuar kështu rastin e parë në historinë e drejtësisë shqiptare që një hetim i Prokurorisë, organit të vetëm në Shqipëri të ngarkuar nga Kushtetuta për të kryer procesin hetimor, pengohet të ushtrojë funksionet me vendim gjykate.<br /><br />ILDKPKI kishte ankimuar heqjen e sekuestros për regjistrat dhe të dhënat e serverit. Prokuroria ka këmbëngulur edhe në Gjykatë se kërkesa e saj për sekustrimin e kopjeve të regjistrave dhe të dhënave në server nuk e pengonte punën e institucioni. Arsyea pse kërkohej që të bëhej ky veprim hetimor ishte fakti për të patur një pasqyrim të punës së Inspektoriatit për dy vitet e fundit.<br /><br />Kjo kërkesë është bërë pas dyshimeve se për dy vitet e fundit, ILDKPKI nuk ka vepruar siç duhet në disa raste të deklarimit dhe kontrollit të pasurive të zyrtarëve të lartë, duke mos proceduar me referime në Prokurori.<br /><br />Prokurorët kanë argumentuar se fotokopjet e regjistrave dhe të dhënave të serverit u kërkuar me qëllim që t?u hiqej mundësia personave të tjerë të ndërhynin në këto dokumenta duke plotesuar të dhëna që mund të mungonin.<br /><br />Prokuroria ka dyshime se zyrtarët e ILDKPI-së kanë shpërdoruar detyrën, pasi asnjë zyrtarë i lartë nuk ka qenë subjekt i një kontrolli nga ILDKPKI, ndonëse ligji parashikon që çdo dy vjet pasuria e këtyre zyrtarëve duhet të kalojë në sitën e Inspektoratit.<br /><br />Me vendimet e tyre, Gjykata e Shkallës së parë dhe ajo e Apelit në Tiranë, e kanë vënë Prokurorinë e Tiranës në kushtet e pamundësisë për të hetuar mbi veprimet dhe praktikat e LKDIKPI ?së, pavarësisht se ato mund të jenë në shkelje të ligjit.<br /><br />Tv Klan
