Taj tere liye ik mazhar e ulfat hi sahi <br />tujh ko is wadi e rangeen se aqeedat hi sahi <br /> <br />meri mehboob kahen aor mila kar mujh se <br />bazm e shahi mein ghareebon ka guzar kya maani <br />sabt jis rah mein hon sitwat e shahi ke nishan <br />us pe ulfat bhari ruhon ka safar kya maani <br /> <br />meri mehboob pas e parda tasheer e wafa <br />tu ne sitwat ke nishanon ko to dekha hota <br />murda shahon ke maqabar se behlnay wali <br />apne tareek makanon ko to dekha hota <br /> <br />an ginat logon ne duniya mein mohabbat ki hai <br />kon kehta hai k sadiq na thay jazbay un ke <br />laiken un k liye tasheer ka saman nahin <br />kiyon ke woh log bhi apni hi tarah muflis thay <br /> <br />yeh amaraat o maqabir yeh faseelein yeh hisaar <br />mutlaq al hukm shehnshahon ki azmat ke satoon <br />seena e dehar ke nasoor hein kohna e nasoor <br />jazb hai in mein tere aor mere ajdaad ka khoon <br /> <br />meri mehboob unhen bhi to mohabbat ho gi <br />jin ki sanai ne bakhshi hai isay shakal e jameel <br />in ke piyaron ke maqabir rahay be naam o namood <br />aaj tak un pe jalai na kisi ne qandeel <br /> <br />yeh chaman zaar yeh jamna ka kinara yeh mehal <br />yeh munaqish dar o divaar yeh mehraab yeh taaq <br />ik shehnshah ne doulat ka sahara le kar <br />hum ghareebon ki mohabbat ka uraya hai mazaq <br /> <br />Poet: Sahir Ludhianvi <br />Voice: Imran Sherazi
