Një sasi rekord heroine është kapur nga policia në Portin e Durresit, në orët e vona të mbrëmjes e djeshme.<br /><br />Janë 30 kilogramë drogë, e ndarë në 52 pako.<br /><br />Pamjet që shihni i përkasin pikërisht momentit, kur efektivët e policisë e gjetën lëndën narkotike pas kontrollit të kryer me skaner në vijën e dytë të portit të qytetit të Durrësit, në një kamion ?Skania?. <br /><br />Heroina ishte fshehur në mjetin e drejtuar nga Aurel Kryemadhi, 45 ? vjeç nga Elbasani, i arrestuar në flagrancë nën akuzën e trafikut ndërkombëtar të drogës. Malli ishte paketuar dhe më pas ishte fshehur në tavanin e karrocerisë së kamionit që transportonte lëndë drusore.<br /><br />Droga dyshohet se është ngarkuar në qytetin e Elbasanit, ku edhe ai është furnizuar me dru zjarri që do të eksportoheshin në Itali, nëpërmjet tragetit të linjës Durrës ? Bari.<br /><br />Burime të policisë thonë se ajo do të dërgohej më pas në veri të Italisë.<br /><br />Pas arrestimit të 45 ?vjeçarit, rreth orës 23.30, policia ka shoqëruar gjatë natës edhe katër persona të tjerë që dyshohet se kanë dijeni mbi rastin.<br /><br />Policia dhe Prokuroria e Krimeve të rënda po hetojnë për të zbuluar personat e tjerë të përfshirë në këtë trafik.<br /><br />Kjo është një ndër sasitë më të mëdha të drogës të kapur prej vitesh në Shqipëri. Dy vjet më parë, në një operacion me policinë e Kosovës, u sekuestruan në kufi dhe në Mamurras, 27 kilogramë kokainë dhe heroinë.<br /><br />Tv Klan
